मंसूर अली
नेपालगन्ज, नेपालगन्जको अति ब्यस्त धम्बोझी चोकमा राष्ट्रिय प्रजातन्त्र पार्टीको भातृ संगठन राष्ट्रिय प्रजातान्त्रिक युवा संगठनका नेता, कार्यकर्ता भेला भएका थिए । प्रधानमन्त्री शेरबहादुर देउवाको पुत्ला दहनको तयारी गरेका संगठनका केहि नेता, कार्यकर्ताहरु प्रहरीलाई अल्मल्याउन धम्बोझी चोकमै एमसिसी विरुद्ध नाराबाजी गर्न थाले ।
प्रहरीको ध्यान प्रदर्शनकारीको नाराबाजीमा केन्द्रित भयो । त्यहिबेला संगठनका केन्द्रिय उपाध्यक्ष ऋषिराज देवकोटा सुटुक्क प्रदर्शनबाट बाहिरिए र, उनले केहिवेरमा प्रधानमन्त्रीको पुत्ला लिएर सडकमा आए । त्यसमा सलाई कोरे र दौड्दै चोक नजिक आए । त्यसपछि एमसिसी र प्रधानमन्त्री देउवा विरुद्ध प्रदर्शन गरिरहेका नेता, कार्यकर्ता दौड्दै पुत्ला दहन भएको ठाउँमा आएर फेरि नारावाजी गरेका थिए । एमसिसी राष्ट्रघाती भएकोले त्यसलाई स्विकार्न नसकिने संगठनका अध्यक्ष हुकुम सिहं केसिले भन्दै प्रदर्शनकारीले एमसिसी सम्झौता भए त्यसको परिणाम गम्भिर हुने चेतावनी दिएका थिए ।
एमसिसी लागू भए त्यसपछि उत्पन्न जटिल परिस्थितिको भागिदार देउवा नेतृत्वको सरकार हुनेछ,’ संगठनका केन्द्रिय उपाध्यक्ष ऋषिराज देवकोटाले भनेका थिए । प्रदर्शनकारीले प्रहरीलाई झुक्याएर प्रधानमन्त्रीको पुत्ला दहन गर्न सफल भए धम्बोझी चोकमा एमसिसि र प्रधानमन्त्री विरुद्ध नारावाजी गरि प्रहरीलाई अल्मल्याएका संगठनका केहि नेता, कार्यकर्ता चोकको उत्तरतर्फ आएर पुत्ला दहन गरे राष्ट्रिय प्रजातान्त्र पार्टी बाँके सह सचीव सफिक बेहनाले कडा सक्रिय रहेको थियो ।
केहिले प्रहरीलाई अल्मल्याउने र केहि नेता, कार्यकर्ता अर्को ठाउँमा गएर पुत्ला दहन गर्ने नीति अबलम्बन गर्यौँ र सफल पनि भयौँ,’ संगठन बाँकेका अध्यक्ष हुकुम केसीले भने । एमसिसी विरुद्ध चरणबद्ध रुपमा सांकेतिक आन्दोलन गर्ने कार्यक्रम रहेको राष्ट्रिय प्रजातान्त्रिक युवा संगठन बाँकेका सचीव अरुण कुमार शर्माले बताए ।
एमसिसी लागू गर्न देउवा सरकारले तत्परता देखाएको बताउँदै राष्ट्रघाती कुनै पनि सम्झौता स्विकार्य नहुने राष्ट्रिय प्रजातान्त्रिक नगर युवा संगठन अध्यक्ष रवि संकर बर्माले स्पष्ट पारे । ‘एमसिसीले देशलाई कालान्तरसम्म हानी गर्ने निश्चित छ । यो सम्झौता कुनै पनि अर्थले देशलाई फाइदा पुर्याउँदैन, ‘हामी देश र जनताका लागि ज्यान दिन पनि तयार छौँ भन्दै संगठन सम्पुर्ण नेता कार्यकर्ताहरुको जमातले जनाएको छ ।
