क्रिष्टियानो रोनाल्डोको गोलका बाबजुद च्याम्पियन लिग फुटबलमा म्यानचेस्टर युनाइटेडले खराब सुरुवात गरेको छ ।
समूह एफ अन्तर्गत मंगलबार राति भएको खेलमा म्यानचेस्टर युनाइटेड योङ ब्वाइजसँग २–१ ले पारजित भएको हो । १३ औँ मिनेटमा रोनाल्डोले गोल गरेर म्यानचेस्टर युनाइटेडलाई सुरुवाति अग्रता दिलाएका थिए ।
३५ औँ मिनेटमा वान–बिसाका सीधै रातो कार्ड पाएर मैदानबाट बाहिरिएपछि म्यानचेस्टर युनाइटेड १० खेलाडीमा सीमित भयो ।
पछि परेको योङ ब्वाइजले दोस्रो हाफमा गोल गरेको हो । उसका लागि ६६ औँ मिनेटमा मौमी एनगामालेउ र इन्जुरी समयको पाँचौँ अर्थात ९५ औँ मिनेटमा सिएबाट्चुले गोल गरेका हुन् ।
