केही समय अगाडि युट्युबमा सार्वजनिक गरिएको गायक मिलन दोङ्को तामाङ मौलिक गीत ” एला माया जक्की” यतिखेर टिकटकमा चर्चाको शिखरमा छ । यस गीतलाई बालबालिका देखि वयस्क, वृद्धसम्मले रुचाइएको छ । छोटो समयमै यस गीतलाई श्रोता दर्शकले अत्याधिक रुचाइएको टिकटकमा देख्न सकिन्छ । यो समाचार तयार पार्दा सम्म यस गीतले युट्युबमा १ लाख ४७ हजार भ्युज पाउन सफल भएको छ । अहिलेको आधुनिक समय र समाजमा यस्ता मौलिक गीतहरूले यसरी श्रोता दर्शकको माया पाउनु भनेको तामाङ समुदायले आफ्नो मौलिक गीत-संगीतलाई मनैदेखि आत्मसात गर्नु हो । यस गीतमा संसारभर छरिएर रहेका नेपाली देखी विदेशीहरु विशेष गरी कोरिया र जापानी मुलका नागरिकहरुले समेत टिकटकमा रमाउँदै भिडियो बनाएको देख्न सकिन्छ ।
यस गीतमा शब्द र स्वर गायक मिलन दोङकै रहेको छ भने उनलाई गायिका अञ्जु थोकरले स्वरमा साथ दिएकी छिन् । गीतमा संगीत भने छेडुप मोक्तानले भरेका हुन् । गीतलाई संगीत संयोजन एरेञ्जर पवन वाङ लामाले गरेका हुन् । गीतको म्युजिक भिडियोमा नायक कुमार मोक्तान र मोडल निरञ्जली स्याङ्तानको नृत्य अभिनय रहेको छ ।
