नेपालगञ्ज, नेपाल आई.टि.एफ तेक्वान्दो संघ बाँकेले आयोजना गरेको नगर स्तरीय तेक्वान्दो प्रतियोगिता शुक्रबार देखि सुरुवात हुने भएको छ ।
बिहिबार संघले प्रेस सम्मेलनमा पौष २ र ३ गते हुने भनिएको नगर नेपालगञ्ज स्तरीय प्रतियोगिताको सम्पुर्ण तयारी पुरा भएको जनाएको छ ।
यस अघि मंसिर २४ र २५ गतेका लागि तय गरिएको प्रतियोगित समय अभावका कारण पौष २ र ३ गतेका लागि तय गरिएको थियो । प्राविधिक समस्याका कारण पुर्वानिर्धारित योजनामा परिवर्तन गरिएको संयोजक रंजित गिरिले बताएका थिए ।
प्रतियोगिता नेपालगञ्ज उपमहानगरपालिकाका प्रशासकिय अधिकृत गुरुदत्त सुबेदीले उद्धघाटन गर्ने कार्यक्रम तय भएको जनाईएको छ ।
आयोजक अनुसार प्रतियोगितमा नगरका २३ वटै वडा सहभागी हुन र जिल्लाभरका २ सय ५० जना खेलाडीहरुले बीच प्रतिस्पर्धा हुनेछ ।
नेपालगन्ज रंगशालामा हुने प्रतियोगिता जिल्लामा खेल क्षेत्रको विकास सँगै खेलाडीहरुको क्षमता विकास हुने उद्देश्य रहेको छ । प्रतियोगितामा १५ के.जी. तौल देखि ७० केजी तौल भएका खेलाडीहरुले सहभागिता जनाउन पाउने आयोजक समितीले जनाएको छ ।
प्रतियोगितमा प्रथम, द्वितीय र तृतीय हुनेले नगद पुरस्कार सहित मेडल, ट्रफी र प्रमाणपत्र दिइने आयोजक पक्षले जनाएको छ ।
