काठमाडौँ । “आकाशमा जुन, धर्तीमा तिमी नम्बरी सुन” यो शब्दले कलकलाहउदो युवा युवातीहरुको मन छुने नै छन् । मोडल सोनिया लिम्बुले जवानीको रङ्ग फिजाउदै मुर्जुङ्गको तालमा नव जवान युवाहरुको नजर तान्ने प्रयास गरिरहेका छन् । मोडल सोनिया लिम्बुको जल्वाले तानिन्छ या तानिदैन तपाईले भिडियो हेर्नु पर्ने हुन्छ ।
गायक बिबि लिम्बु र बिन्दु राईको स्वर रहेको ‘आकाशैमा जुन, धर्तीमा तिमी नम्बरी सुन’ मा मोडल रमेश सुनुवारले मोडल सोनिया लिम्बुलाई फकाउदै छन् । बसन्तको कलकलाउदो पातहरु लहलहे जस्तै जवानीको बैश छछल्कीएको समयमा भमराले रस खोज्नु सोभाविकता नै हो तर रस गुलियो छ या तितो छ त्यो भमरालाई मात्रै थाहा हुनेछन् ।
जीत लिम्बूको शब्द संगीत रहेको पुर्वेली गीतलाई कृष्णभक्त राईले एरेन्ज गरेका छन् भने रेकडिङ सागर पुन र मिक्सिङ कुमार सानु पुनले गरेका हुन् ।
प्राविधिकरुपमा भिडियोमा केही कमिकमजोरी त छ । प्रयास भने नराम्रो छैन । पछिल्लो समयमा धेरै म्युजिक भिडियोहरु सार्वजनिक हुने क्रम रोकिएको छैन ।
छायांकन बिबी लिम्बू र डम्बर राइले गरेका छन् भने सम्पादन पनि बिबी लिम्बूकै रहेको छ । यस्तै श्रृङ्गार यमुना पाण्डे, डिजाइन पर्शु थुलङ, कोरियोग्राफी छबि थापाले गरेका छन् ।
