नेपालगन्ज , प्रजातान्त्रिक उद्योगी व्यवसायी संघ बाँकेको अध्यक्षमा सञ्जय थापा निर्विरोध निर्वाचित भएका छन् । नेपालगन्जमा शनिबार सम्पन्न भएको चौथो जिल्ला अधिवेशनले थापालाई अध्यक्ष पदमा निर्विरोध निर्वाचित गरेको हो ।
निर्वाचन समितिका सदस्य तोजिन्द्र बिकले दिएको जानकारी अनुुसार संघको उपाध्यक्षमा धु्रव दाहाल, प्रदिप गुप्ता, चण्डीप्रसाद गैरे र उमा ग्राण्डन निर्विरोध निर्वाचित भए । यस्तै सचिवमा हिमनाथ पौडेल र टेकबहादुर खड्का, सह–सचिवमा मख्खनबहादुर धामी र प्रेम खरेलले तथा कोषाध्यक्षमा विष्णु श्रेष्ठ र सन्तोष वैश्य निर्वाचित भएको समितिले जनाएको छ ।
यसैगरी जिल्ला सदस्यमा शालिक सुवेदी, रविन्द्र लामिछाने, रेवती सिंह, शरद रेग्मी, विनय श्रेष्ठ, पुरुषोत्तम अग्रवाल, मोहम्मद फकदुल हक हलवाई, मोहम्मद रिजवान अन्सारी, बुद्धिप्रसाद श्रेष्ठ र नरबहादुर खड्का, सुदिप सेडाईं, अतुल कुमार गुप्ता, मार्टिन ओली, टिकाराम ढुंगाना, रामकुमार सिंह राठौर, सावित्रा पोखरेल, विशाखर अधिकारी, राम किसन साहु र शरद अधिकारी निर्वाचित भएको बताइएको छ ।
