चीनको हुवेई प्रान्त जिनइतान अस्पतालका अनुसन्धानकर्ताहरूले कोरोना भाइरसले रक्त समूह अनुसार प्रभाव पार्ने खुलासा गरेका छन् । शोधमा पत्ता लागे अनुसार रक्त समूह ए ( Blood group A) भएका व्यक्तिलाई कोरोना भाइरसले छिट्टै संक्रमित गर्न सक्छ । साथै, रगत समूह ओ ( Blood group O) भएका व्यक्तिहरुलाई संक्रमण गर्न धेरै समय लाग्छ ।
चीनको वैज्ञानिकको यो अध्ययन ऊहानमा गरिएको हो । ऊहानमा चीनको हुवेइ प्रान्तको राजधानी हो । यहाँ बाट नै कोरोना भाइरसको संक्रमण फैलिएको थियो । ऊहानमा रहेका तीन वटा अस्पतालमा गरिएको सर्वेक्षणमा यस्तो नतिजा निस्केको हो । ऊहानमा वैज्ञानिकले कोरोना भाइरसद्वारा संक्रमित २,१७३ व्यक्तिमा अध्ययन गरेका हुन् ।
कोरोना भाइरसका कारण मारिएका २०६ व्यक्तिमध्ये ८५ जनाको रक्त समूह ‘ए’ थियो । अर्थात् करिब ४१.२६ प्रतिशत । जबकी ५२ जनाको रक्त समूह ‘ओ’ थियो । अर्थात्, करिब २५ प्रतिशत ।
२,१७३ व्यक्तिमध्ये रक्त समूह एक हुने व्यक्ति धेरै थिए । यीमध्ये ३२ प्रतिशतको रक्त समूह ‘ए’ थियो भने रक्त समूह ‘ओ’ भएका व्यक्तिहरु २६ प्रतिशत थिए ।
अनुसन्धाताले आफ्नो अनुसन्धानमा रक्त समूह ‘ए’ को तुलनामा रक्त समूह ‘ओ’ भएकाहरु कोरोना भाइरसले निकै ढिलो संक्रमित हुने बताएका छन् । रक्त समूह ‘ए’ भएकाहरुको नै कोरोना भाइरसका कारण धेरै मृत्यु भइरहेको छ ।
वैज्ञानिकले सार्स–सिओवी–२ (SARS-COV-2) को हमला हुँदा पनि रक्त समूह ‘ओ’ भएकाहरु कमै संक्रमित भएको जबकी अन्य रक्त समूहका व्यक्तिहरु धेरै नै प्रभावित भएका थिए ।
अहिलेसम्म यो अनुसन्धानको रिभ्यू भएको छैन तर चीन तियानजिनस्थित स्टेटको ल्याबोरेटरी अफ एक्सपेरिमेन्टल हिम्याटोलोजीका वैज्ञानिक गाओ यिंगदाईले यो अनुसन्धानले यो रोगको उपचार खोज्न मद्दत गर्ने बताएका छन् ।
गओ यिंगदाईले भनेका छन्, ‘यदि तपाईंको रक्त समूह ए छ भने पनि तपाईं चिन्तित हुनुपर्दैन । यसको अर्थ यो होइन कि तपाईं शत प्रतिशत कोरोनाद्वार संक्रमित भएरै छोड्नुहुनेछ । रक्त समूह ओ भएका मानिसहरु पनि लापरवाह भने नहुनुहोस् ।’
