काठमाडौं । हिमालयन मुभिको आयोजनामा भएको मिसेस क्यापिटल क्विन २०२३ को उपाधि लक्ष्मी भुषालले पाएकी छिन् ।
आज म्युजिक सिटी हल बालकुमारी ललितपुरमा भएको कार्यक्रममा नौजना सहभागिहरुलाई पछाडि पार्दै भुषालले उपाधिको लागि आफ्नो स्थान सुरक्षित गरेकी हुन् ।कार्यक्रम आयोजना हिमानी सुब्बाले गरेकीहुन् भने यो कार्यक्रम सफल बनाउन कोमलनाथ खतिवडाको पनि निकै महत्वपुर्ण भुमिका रहेको थियो ।
कार्यक्रमको उपाधि बितरण भने थाईल्याण्डमा हुने आयोजक पक्षले बताएको छ ।
प्रतियोगिताको जुरी मेम्बरहरुमा कलाकार सिमान्त उदास ,शुस्मा अधिकारी, निमा लामु शेर्पा र सम्झना राई लगायत रहका थिए ।
बिभिन्न शिर्षकमा यस्ता प्रतियोगिता गराउँदै आईरहेको हिमालयन मुभिले यस अघि सम्पन्न गरेको मिसेस डिभा नेपाल २०२३ को बिजेता सोनु राई र फस्ट रनरअप मनु बाँठा मगर पनि यो प्रतियोगिताको अतिथिको रुपमा आएका थिए ।
बिभिन्न नृत्य तथा प्रतियोगिहरुको फेसनशो ले कार्यक्रमलाई अझ उत्कृष्ट बनाउन मद्यत गरेको थियो ।
