नेपालगञ्ज, अखिल नेपाल पिछडावर्ग महासंघको बाँके जिल्ला भेलाबाट महेश चौधरीको अध्यक्ष ११ सदस्यीय जिल्ला कमिटी गठन भएको छ ।
महासंघको जिल्ला उपाध्यक्षमा ओमप्रकाश मौर्य, सचिवमा नन्कु यादव, सहसचिवमा दिनेश गुप्ता चयन हुनु भएको छ ।
भेलाबाट सदस्यहरूमा जियालाल यादव, रामसुहान गडरिया, रविलाल काँदु, शंकर यादव र कौशल सिंह चयन हुनु भएको महासंघका प्रदेश कमिटी सदस्य मनोज वर्माले जानकारी दिनु भयो ।
भेलामा नेकपा (एमाले) केन्द्रीय सदस्य मोहमद हारून हलुवाईले बाँके जिल्लाको बहुसंख्यक पिछडावर्ग भएकोले यो वर्गको राजनीति र सामाजिक अधिकारी र पहुँच स्थापितका लागि एकताको खाँचो पर्ने भएकोले सोको अगुवाइ ओविसीले गर्नुपर्ने बताउनु भयो । उहाँले गाउँ वस्तीमा नागरिकलाई सचेत र संगठित बनाउने कार्य नयाँ नेतृत्वको जिम्मेवारी भएकोले सो कार्य जुट्नु पर्ने बताउनु भयो ।
भेला ओविसीका केन्द्रीय उपाध्यक्ष विनोद चौधरीले समाजको विकास र राजनीति नेतृत्व गर्ने व्यक्ति हाम्रो वर्ग(ओविसी) बाट हुनु पर्ने बताउनु भयो ।
उहाँले नेकपा (एमाले) नीति कार्यक्रमका आधारमा र महासंघको विधि विधान अनुसार काम गर्नुपर्ने बताउनु भयो ।
भेलामा महासंघका केन्द्रीय सदस्य संजय गुप्ता, महिला आयोगका पूर्व सदस्य धनेश्वरी चौधरी, नेकपा (एमाले) बाँकेका उपाध्यक्ष डिल्ली बि सी लगायतले भेलाको सफलताको शुभकामना व्यक्त गर्नु भएको थियो । भेलाको अध्यक्षता नेकपा (एमाले) लुम्बिनी प्रदेश कमिटी सदस्य सुजिता वर्माले गर्नु भएको थियो ।
