नेपालगन्ज, नेपाल मुस्लिम समाज विकास चेतना केन्द्र नेपालगन्जको आयोजनामा तथा एक्सनएडको सहयोगमा पीडित महिलाहरुको एकद्वार प्रणालीको व्यवस्थाबारे छलफल तथा अन्तरक्रिया कार्यक्रम जानकी गाउँपालिकामा सम्पन्न भएको छ । कार्यक्रममा जानकी गाउँपालिका उप–प्रमुख रामप्यारी यादव प्रमुख अतिथि, प्रमुख प्रशासकीय अधिकृत दिल बहादुर पौडेल, मोहम्मद शेर बागवान आतिथि रहेका थिए ।
कार्यक्रमका प्रशिक्षक नेपालगन्ज उप–महानगरपालिकाका महिला बालबालिका तथा जेष्ठ नागरिक शाखाका प्रमुख मन्जु पाण्डे रहेका थिए । कार्यक्रममा हिंसामा परेका महिलाहरुको मर्यादित जीवन कसरी बिताउने, विभेदकाविरुद्ध महिला र पुरुष दुवैको भूमिका, प्रथा जन्य सवालहरु र समाजमा तिनका असर र कारणहरु, लैंगिक हिंसा र लैंगिक हिंसा निवारण कोषका बारेमा छलफल तथा सहजीकरण, सेवा प्रवाह तथा संप्रेषण प्रणाली, सिफारिस प्रणालीको प्रकृया ढांचा र एकद्वार संकट ब्यबस्थापन केन्द्रका बारेमा सहजीकरण गर्नु भएको थियो । कार्यक्रमको अध्यक्षता नेपाल मुस्लिम समाज विकास चेतना केन्दकी अध्यक्ष रुवि खांनले गरेकी थिइन् ।
कार्यक्रममा संस्थाका जानकी गाउँपालिकामा रहेका रिफलेक्ट समूह तथा महिला अधिकार मञ्चका सदस्यहरुको सहभागीता रहेको थियो । कार्यक्रममा प्रमुख प्रशासकीय अधिकृत दिल बहादुर पौडेलले नेपाल मुस्लिम समाजले गरेको सराहनिय रहेको र जानकी गाउँपालिका सदैब साथ रहने प्रतिवद्धता व्यक्त गरेका थिए । कार्यक्रमको सञ्चालन जिल्ला महिला अधिकार मञ्चकी अध्यक्ष सकिना तेलीले गरेकी थिइन् ।
