काठमाडौं । धुम्बाराहीस्थित ह्याम्स अस्पतालले निःसन्तान दम्पतीका लागि निःशुल्क परामर्श सेवा दिने भएको छ ।
आगामी शनिबार अस्पतालको आईभीएफ केन्द्रमा बिहान १० बजेदेखि दिउँसो २ बजेसम्म निस्शुल्क परामर्श सेवा प्रदान गरिने अस्पतालका वरिष्ठ स्त्रीरोग विशेषज्ञ डा। भोला रिजालले जानकारी दिए । ‘सन्तान उत्पादनका उपचार पद्धतिले निःसन्तान दम्पतीको पीडालाई कम गरिरहेको सन्दर्भमा उचित परामर्शले दम्पतीमा आशा जगाउने विश्वास लिएका छौं,’ उनले भने ।
उक्त दिन निःशुल्क परामर्श सेवाका साथै अस्पतालको प्रयोगशाला परीक्षणमा २० प्रतिशत तथा पाठेघर जाँचमा ५० प्रतिशत छुटको व्यवस्था समेत गरिएको अस्पतालले जनाएको छ ।
