काठमाडौं । सिन्धुपाल्चोक जिल्लाको पुरानो स्कुलको रुपमा रहेको श्री शारदा उच्च माध्यमिक विद्यालय बाह्रबिसेका एस.एल.सी.ब्याच २०५५ले विद्यालयको ७४औं जन्मोत्सवको अवसरमा जेहेन्दार विद्यार्थीहरुलाई सहयोग गर्ने भएका छन् ।
सफल युवा व्यवसायी तथा उद्योग वाणिज्य संघ सिन्धुपाल्चोकका कार्यसमिति सदस्य अम्बर बहादुर श्रेष्ठ(उमेश) को अध्यक्षतामा गठन भएको श्री शारदा उच्च माध्यमिक विद्यालय बाह्रबिसे एस.एल.सी.ब्याच २०५५ले यो निर्णय गरेको हो ।
यहि बर्षबाट शुरु गरिएको अक्षयकोषलाई परिचालन गर्दै विद्यालयमा रहेका जेहेन्दार तथा आर्थिक बिपन्न विद्यार्थीलाई यो सहयोग प्रदान गरिने समितिका अध्यक्ष अम्बर बहादुर श्रेष्ठ(उमेश)ले बताउनु भयो ।
सहयोग कार्यक्रम अन्तर्गत आधारभुत तर्फ १ छात्र १ छात्रा, नि.मा.वि तर्फ १ छात्र १ छात्रा तथा मा.वि. तर्फ १ छात्र १ छात्रा गरि ६ जनालाई कपि,कलम सहित नगद प्रदान गरिने समितिले जनाएको छ ।
२०८१ पौष ९ गते हुन लागेको विद्यालयको ७४ औं बार्षिक उत्सवको अवसर पारेर सो सहयोग राशि प्रदान गरिने यस कार्यसमितिका उपाध्यक्ष आङ छिरिङ शेर्पाले बताउनु भयो ।
यो कार्यक्रमलाई सभ्य र भव्य बनाउन यस ब्याचका सबै विद्यार्थीहरुलाई २०८१ पौष ९ गते विद्यालयमा उपस्थित हुन समेत समितिले आग्रह गरेको छ ।
समितिले केहि बर्ष यता बिभिन्न सामाजिक कार्य तथा मनोरन्जनका कार्यक्रमहरु गर्दै आईरहेको छ ।
