नेपालगञ्ज, नेपालगञ्ज उप–महानगरपालिका वडा नम्बर १८ को वडा कार्यालयले सडक निर्माणलाई प्राथमिकता दिएको छ ।
सडक कालोपत्रे, पिसिसीसँगै गा्रमिल र माटो पटान कार्य तिव्ररुपमा अघि बढाइएको वडाअध्यक्ष दिपक वर्माले जानकारी दिनुभयो । वडा अध्यक्ष वर्माका अनुसार, नागरिक तथा शिवनगर मा ५०० मिटर पक्की नाला सहित सडक कालो पत्रेको निर्माण कार्य भइरहेको छ ।
यसैगरी बर्दिया बाईपास देखि उत्तर तेजनगर सडक पनि कालोपत्रे भई रहेको छ । संघीय मामिला तथा सामान्य प्रशासन मन्त्रालयबाट प्राप्त बजेटमा असार पहिलो साताभित्र कालोपत्रे गरिसक्ने योजना छ, वडा अध्यक्ष वर्माले भन्नुभयो, सुरुवातदेखि नै सडक निर्माणलाई प्राथमिकता दिएका छौं ।
चालु आवमा ९ वटा सडकको पिसिसी सम्पन्न भएको छ । लग्दहवा र भुजईगाउँमा सडकको पिसिसी गरिएको हो । गत आवमा कारकादौंगाउँमा भित्री सडक पिसिसी गरिएको वडा सदस्य दिग्विजय ढुंगानाले जानकारी दिनुभयो ।
नगरकै पुराना वस्तीको रुपमा रहेका स्थानमा पिसिसी भएपछि आवागमनमा सहज भएको स्थानीयको भनाई छ । बर्षायाममा विगतमा घरवाहिर निस्कन समस्या भएकोमा पिसिसी भएपछि धेरै सहज भएको स्थानीयको भनाई छ ।
ट्राभल भिलेजदेखि पुर्वतर्फको सडकको अधुरो काम यसवर्ष गरिएको छ । पक्कि तथा पिसिसी सडक निर्माणसँगै नयाँ वस्तीमा माटो पटान तथा ग्राविल गर्ने कार्य समेत धमाधम भईरहेको छ ।
कारकादौंमा नयाँ वस्ती विकास हुने कार्य दिनानुदिन बढ्दोक्रममा रहेका कारण अधिकाँशको पहिलो माग सडक हुने गरेको वडा अध्यक्ष वर्माले बताउनुभयो ।
