काठमाडौं। कोरोना संक्रमितको संख्या विश्वमा १ करोड ६१ लाख नाघेको छ ।
विश्व स्वास्थ्य संगठनका अनुसार हालसम्म विश्वमा कोरोना संक्रमितको संख्या १ करोड ६१ लाख १४ हजार ४४९ पुगेको छ ।
सोमबार मात्रै २ लाख ५४ हजार २७४ कोरोना संक्रमित थपिएका छन् । यो अघिल्लो दिनको तुलनामा निकै धेरै हो ।
विश्व स्वास्थ्य संगठनको तथ्यांक अनुसार आइतबार विश्वमा २ लाख ६२५ कोरोना संक्रमित थपिएका थिए ।
सबैभन्दा धेरै कोरोना संक्रमित हुने देशको सूचिमा पहिलो नम्बरमा अमेरिका छ भने दोस्रो स्थानमा ब्राजिल छ ।
त्यस्तै, कोरोनाका कारण विश्वमा हालसम्म ज्यान गुमाउनेको संख्या ६ लाख ४६ हजार ६४१ पुगेको छ ।
चीनको वुहानबाट सुरु भएको कोरोना भाइरसको संक्रमण विश्वका २१६ देशमा फैलिसकेको विश्व स्वास्थ्य संगठनले जनाएको छ ।
लकडाउन अन्त्य भएसँगै विश्वमै कोरोना संक्रमितको संख्या तीव्र गतिमा बढिरहेको छ ।
