काठमाडौं । केही दिनदेखि संक्रमित बढीरहेको स्याङजामा बुधबार साँझ फेरि ९ जनामा कोरोना पुष्टि भएको छ।
गल्याङ नगरपालिकाका ८ जना र पुतलीबजार नगरपालिकाका १ जनामा कोरोना भाइरस संक्रमण पुष्टि भएको गण्डकी प्रादेशिक स्वास्थ्य निर्देशनालयले जनाएको छ।
संक्रमितमध्ये ६ जना गल्याङको क्वारेन्टाइनमा बसेका हुन् भने एक जना प्रहरी कर्मचारी र एक जना औषधी व्यवसायी हुन्।
यसैगरी, पुतलीबजारका पनि प्रहरी कर्मचारी नै हुन्। ठूलो संख्यामा प्रहरी कर्मचारीमा कोरोनाको संक्रमण देखिएको छ।
यसैगरी पछिल्लो अद्यावधिक विवरणअनुसार स्याङजामा २ सय ५२ जना कोरोना संक्रमित पुगेका छन् ।
