असार १, २०७६

sara Khabar
सत्य, तथ्य र निष्पक्ष खबर । पल-पलमा साराखबर ।
चलचित्र विकास वोर्डको संरचना फेर्छु - संचार मन्त्री बाँस्कोटा



चलचित्र विकास वोर्डको संरचना फेर्छु - संचार मन्त्री बाँस्कोटा

भकुण्डेवेशी– काभ्रेको नमोबुद्ध नगरपालिकास्थित भकुण्डेवेशीमा शुनिबार भव्य रुपमा तेस्रो तामाङ चलचित्र महोत्सवको औपचारिक उद्घाटन भएको छ । तामाङ चलचित्र संघको आयोजनामा अनौपचारिक रुपमा शुक्रबार सुरु भएपनि शनिबार सांस्कृतिक झाँकी सहितको र्यालीले भकुण्डे बजार परिक्रमा गरेपश्चात सञ्चार तथा सूचना प्रविधि मन्त्री गोकुल बाँस्कोटाद्धारा महोत्सवको औपचारिक उद्घाटन गरिएको हो ।

झाँकी र्यालीमा संयौ स्थानियका साथमा दर्जनौ बोन्बो,लामा गुरु र ताम्बाहरुको सहभागिता रह्यो । झाँकी पश्चात दिउँसो सरकारका प्रवक्ता समेत रहनुभएका सञ्चार तथा सुचना प्रविधि मन्त्री बाँस्कोटाले महोत्सवको उद्घाटन गर्नुभयो । उद्घाटन समारोहलाई सम्बोधन गर्दै मन्त्री बाँस्कोटाले आगामी चलचित्र नीति नेपालको विविधतालाई सम्मान गर्ने खालको हुने जानकारी दिनुभयो ।
 
उहाँले भन्नुभयो–“हामी सबै जातजातिका साँस्कृतिक चिजहरु पहिचान हुन्,यि सबै अवस्था र बस्तुस्थितीलाई ख्याल गरी सरकारले चलचित्रसम्बन्धी कार्य तथा नीतिहरु अघि सार्नेछ ।” चलचित्रलाई हेर्ने दृष्टिकोण,व्यवहार र तिनका संरचना पुरानो भईसकेको उल्लेख गर्दै मन्त्री बाँस्कोटाले अब त्यसलाई फेरबदल गर्ने बेला आएको स्पष्ट पार्नुभयो ।

उहाँले भन्नुभयो–“यसबारे मैले बुझेको छुकि चलचित्र विकास वोर्डका संरचना पनि पुरानै शैलीको छ,त्यसले सबैलाई समेट्न सकिएन भन्ने मेरो पनि ठम्याई हो,अहिलेनै सबै पुरा हुन्छ भन्ने त छैन यद्यपी यसमा मैले गर्नुपर्ने काम गर्नेछु ।” तामाङ चलचित्र संघका पूर्व अध्यक्ष तथा वर्तमान प्रमुख सल्लाहकार जेनिश दोङले नीतिगत पाटोमा अझै राज्यले कदम चाल्नुपर्ने अवस्था रहेको बताए लगत्तै मन्त्री बाँस्कोटाले यसप्रति आफ्नो ध्यानाकर्षण भएको बताउनुभएको हो ।

नेपालको संस्कृति प्रवद्र्धनमा एक मात्र शसक्त माध्यम चलचित्र रहेको दावी गर्दै दोङले यसलाई फराकिलो ढंगले बुझ्नुपर्ने धारणा राख्नुभयो । संघका पूर्व अध्यक्ष प्रकाश ब्लोनले पनि कुनै समुदायको सँस्कृति बचाउनु छ भने राज्य उदार हुनैपर्ने बताउनुभयो । कार्यक्रममा संघीय सांसद गंगाबहादुर दोङ(वमध्वज)ले हरेक समुदायको संस्कृति संरक्षण गर्ने दायित्व राज्यको हुनुपर्ने र यसप्रति आफू पनि गम्भीर रहेको बताउनुभयो ।

नमोबुद्ध नगरपािलकाका प्रखुम टिपी शर्माले तामाङ समुदायको बाहुल्यता रहेको नगर नमोबुद्धमा यस खालको महोत्सव भएको भन्दै आयोजकप्रति खुसी व्यक्त गर्नुभयो । उहाँले चलचित्रले सशक्त रुपमा साँस्कृतिक जागरण तथा पहिचान प्रर्वद्धनका काम गर्ने भएकोले नमोबुद्ध नगरपालिका सदैव साथ दिन तयार रहेको प्रतिवद्धता जनाउनुभयो ।


औपचारिक समारोहलाई समापन गर्दै चलचित्र संघका अध्यक्ष बिकु थोकरले सिंगो बौद्ध सम्प्रदायले गर्व गर्ने ठाउँ ‘नमोबुद्ध स्तुप’ रहेको नगरपालिकास्थित भकुण्डेमा बौद्धमार्गी तामाङहरुको चलचित्र महोत्सव गर्नु सुखत रहेको तर्क बताउनुभयो । यसले सिंगो तामाङ समुदायमा सकारात्मक सन्देश जाने उहाँको दावी छ ।

अध्यक्ष थोकरले नमोबुद्ध नगरपालिका स्वयम्ले सोचेभन्दा बढि सहयोग गरेकोमा आभार प्रकट गर्नुभयो । यसका साथै चलचित्र विकास वोर्ड,रोशी गाउँपालिका लगायतका विभिन्न निकाय तथा संघसंस्था र व्यक्ति महानुभावहरुले गरेको सहयोगप्रति उहाँले आभार प्रकट गर्नुभयो । कार्यक्रममा आदिवासी जनजाति चलचित्र महासंघका अध्यक्ष अमृत सुनुवार,स्थानिय तहका प्रतिनिधि लागयतले पनि महोत्सव सफलताको शुभकामना व्यक्त गरेका थिए ।

 शनिबार दुई चलचित्र प्रदर्शन,कन्सर्ट,तामाङ गोईलो र तामाङ खाना थप आकर्षण ‘हाम्रो कला हाम्रो पन,तामाङ चलचित्र हाम्रो पहिचान’ भन्ने नाराका सुरु भएको महोत्सव अन्तरगत शुक्रबार झैं शनिबार पनि दुई चलचित्र प्रदर्शन गरिएको छ । बिहान रोशन फ्युवा निर्देशित तामाङ चलचित्र ‘श्होङ’ र दिउँसो बाबु थिङ निर्देशित ‘रुङसी टिला’ देखाइएको हो । तामाङ समुदायमा नासो परम्परा,नारीलाई हेर्ने दृष्टिकोण,जवरजस्ती विबाहको प्रचलन लगायतका विषयमा बनेका यि दुई चलचित्र हेर्न शुक्रबारको तुलनामा केहि दर्शक बढि देखिए । उनिहरुले पछिल्लो समय राम्रा चलचित्रहरु बन्न थालेको प्रमाणित भएको प्रतिक्रिया दिए ।

 शनिबार औपचारिक उद्घाटन समारोहमा तामाङ मौलिक झाँकीहरु प्रस्तुत गरिएको छ भने त्यसपश्चात सांगीतिक कन्सर्ट भएको छ । कार्यक्रममा बरिष्ठ गायक तथा संगीतकार चन्द्रकुमार दोङ,जल्दाबल्दा गायक तथा संगीतकार निमा दोङ,विशाल थिङले सहभागिलाई आफ्ना चल्तीका गीतहरुमार्फत नचाए । विभिन्न भेग बस्तीबाट आएका सांस्कृतिक समुहहरुले पनि नृत्य तथा गीत संगीत प्रस्तुत गर्दा महोत्सव थप उल्लासमय बन्न पुगेको छ । यसका अलावा गोइलो सप्लायर्सको गोईलो स्टलका साथै बुद्धचित्त माला,बौद्ध ध्वजापताका,तामाङ बाबरे,आलुम,आइरक जस्ता मौलिक परिकारले कार्यक्रम स्थल तामाङ मय देखिएको छ ।

 महोत्सवको आइतबार समापन हुनेछ । आइतबार राजकुमार मोक्तान निर्देशित चलचित्र ‘सेर्कु’ प्रदर्शन,उत्कृष्ठ चलचित्रलाई सम्मान तथा पुरस्कार,सहयोगीहरुलाई सम्मान ज्ञापन गर्दै पूर्व सभासद तिर्थ लामाबाट महोत्सवको समापन गरिने तामाङ चलचित्र संघका अध्यक्ष थोकरले जानकारी दिनुभयो ।



राष्ट्रिय समाचार
सरकारले जनताका हितमा काम गर्छ र जनताका कुरा सुन्छ : प्रधानमन्त्री ओली

सरकारले जनताका हितमा काम गर्छ र जनताका कुरा सुन्छ : प्रधानमन्त्री ओली

युरोप भ्रमण सकेर आइतबार स्वदेश फर्किएका प्रधानमन्त्री ओलीले त्रिभुवन अन्तर्राष्ट्रिय विमानस्थलमा पत्रकारहरुसँग कुराकानी गर्दै गुठी ...

असार १, २०७६
 साताव्यापी युरोप भ्रमण पूरा गरी स्वदेश फर्किए  प्रधानमन्त्री ओलि

साताव्यापी युरोप भ्रमण पूरा गरी स्वदेश फर्किए प्रधानमन्त्री ओलि

काठमाडौं ( साताव्यापी युरोप भ्रमण पूरा गरी  प्रधानमन्त्री केपी शर्मा ओली आइतबार विहान स्वदेश आइपुगेका ...

असार १, २०७६
काठमाडाैँका जनता सरकारसँग पानी माग्दै प्रदर्शन

काठमाडाैँका जनता सरकारसँग पानी माग्दै प्रदर्शन

काठमाडौँ । उपत्यकाका विभिन्न स्थानमा खानेपानी चरम अभाव भएपछि उपभोक्ताहरु आन्दोलनमा उत्रिएका छन् । उपत्यका ...

जेठ ३२, २०७६
तीनकुनेस्थित बागमती नदीमाथिको पुलको काम अघि नबढाउन निर्देशन

तीनकुनेस्थित बागमती नदीमाथिको पुलको काम अघि नबढाउन निर्देशन

 काठमाडौं । शुक्रबार बसेको संसदको विकास तथा प्रविधि समितिको बैठकले काठमाडौंको तीनकुनेस्थित बागमती नदीमाथिको पुलको ...

जेठ ३१, २०७६
गुठी विधेयक संसदमा खैलाबैला, सरकारलाई घाँडाे

गुठी विधेयक संसदमा खैलाबैला, सरकारलाई घाँडाे

काठमाडाैँ, पाटन, ललितपुर, भक्तपुर लगायत दशैभरका गुठीयारहरू, विशेषत नेवाः समुदाय आन्दाेलित छन् । नेकपाकाे सरकार ...

जेठ ३१, २०७६
जाली नाेटकाे संजाल खाेतल्दै प्रहरी

जाली नाेटकाे संजाल खाेतल्दै प्रहरी

काठमाडौं । भारतीय जाली नोट तस्करी प्रकरणमा युनुस अन्सारी पुरानो नाम होइन। लामो समय जेल ...

जेठ ३१, २०७६