कार्तिक २, २०७६

sara Khabar
सत्य, तथ्य र निष्पक्ष खबर । पल-पलमा साराखबर ।
तेमालकाे ठुलाे पर्सेलमा साहसिक क्यानाेनिङ खेल सम्पन्न (भिडियाे सहित)



तेमालकाे ठुलाे पर्सेलमा साहसिक क्यानाेनिङ खेल सम्पन्न (भिडियाे सहित)

मिलन लामा दाेङ,

काभ्रेः तेमाल गाउँपालिका वडा न. ६ ठुलाे पर्सेलमा रहेकाे बन्दिब खाेलाकाे टाङटुङ झर्नामा साहसिक  क्यानाेनिङ खेल २०१९ काे वर्कसप २५ गते बुधबार सम्पन्न भएकाे छ । केही वर्ष अगाडी उक्त स्थानमा क्यानाेनिङ एशाेसिएसन नेपालका अध्यक्ष राजेन्द्र बहादुर तामाङकाे टिमले सफल परिक्षण गरिएकाे थियाे । 

बुधबार भएकाे साहसिक क्यानोनिङ खेलमा गाइडको सहयोगमा गाउँपालिकाका अध्यक्ष सलाम सिं लामा र उप प्रमूख दुर्गा माया तामाङले टाङटुङ झर्नामा क्यानोनिङ खेलको मज्जा लिए । तर उपाध्यक्ष दुर्गा माया तामाङले सफल भने हुनु भएन 

वडा कार्यालयको आर्थिक सहयोगमा आयाेजना गरिएकाे उक्त खेल सफल भएपछि क्यानोनिङ खेल तेमाल भेगमा पर्यटनहरुका लागि अर्को महत्वपूर्ण केन्द्र्को रुपमा लिइएको छ ।


तेमालको पर्यटन विकासमा क्यानोनिङ खेलले महत्वपूर्ण भूमिका खेल्ने तेमाल गाउँपालिकाका अध्यक्ष सलाम सिंह लामाले बताए । 

‘गाउँपालिकामा रहेको प्राकृतिक सौन्दर्यलाई देश तथा विदेशमा चिनाउन क्यानोनिङ सफल भएको छ, पालिका प्रमूख लामाले भने ‘यसलाई अझ प्रभावकारि बनाउन प्रचारप्रसारको खाँचो छ, हामी त्यता तिर लाग्छौँ ।’

पालिका उपप्रमूख दुर्गामाया तामाङले क्यानोनिङको तालिम नै दिने गरी योजना बनिरहेको जानकारी दिइन् । ‘हामीले यहाँका युवालाई तालिम दिएर दक्ष बनायौँ भने यहीँका मानिसले रोजगार पाउँछन्, जसले गर्दा तेमालमा आउने पैसा अन्यत्र जादैँन्, हामी कसरी हुन्छ तेमालाई समृद्ध बनाउने ध्याउन्नमा छौँ ।’ उनले तेमालमा साँस्कृतिक पर्यटनसँगै क्यानोनिङ खेललाई पनि प्रवद्र्धन गरेर अघि बढ्दा स्थानीयहरुको आयआर्जनमा समेत बृद्धि हुने बताइन् ।

वडा नम्बर ६ का वडाध्यक्ष बिकु लाल मोक्तानले वडाको मात्रै नभएर सिँगो तेमाल भेगकै पर्यटनलाई क्यानोनिङले जोडेको बताए । उनले परीक्षणका लागि १ लाख रुपैयाँ विनियोजन गरेको समेत बताए । ‘टाङटुङ झर्नालाई हामीले हासिक खेलका रुपमा विकास गर्न खोजेको हौ, उनले भने सफल पनि भयो, अब यसलाई थप ब्यवस्थित योजना बनाएर अघि बढ्ने छौँ ।’

क्यानोनिङ परीक्षणमा ४२ जनाले सहभागिता जनाएका थिए । तेमालमा क्यानोनिङको परीक्षण गर्न प्रशिक्षक रत्नमान तामाङको टोली पुगेको थियो । तामाङले सन् २००६ देखि क्यानोनिङ खेलमा आबद्ध छन् । ‘यो झर्नामा क्यानोनिङको सफल परीक्षण भयो, उनले भने ‘हामी पनि सहयोग गर्छौ, तेमालको पर्यटन विकासलाई ।’ उनले तेमालमा क्यानोनिङ जस्तै हाइकिङ, प्याराग्याइडिङ, र्याप्टिङको समेत उत्तिकै सम्भावना रहेकाले त्यहि अनुसार योजना बनाएर अघि बढ्नुपर्नेमा जोड दिए ।

यसैगरी नेकपाका स्थानीय युवा नेता शैलेन्द्र तामाङले ठाउँकाे पहिचान गरी तेमाललाइ क्यानाेनिङ खेलका लागि थप पहल गर्नु पर्ने बताउनु भयाे भने नेपाली कांग्रेसका स्थानीय युवा नेता मान बहादुर तामाङले नयाँ खेलकाे अनुभुतिसँगै २०२० का लागि तेमाल पनि पर्यटनहरूका लागि अकार्षणकाे केन्द्र विन्दु बनाउन सकिने बताएकाे छ । 

भिडियाे हेर्नका लागि यहाँ क्लिक गर्नु हाेला ।
((https://youtu.be/GAj5F2ecXhk?t=3)) 





स्थानीय समाचार
पाल्पामा छुट्टा–छुटै घटनामा २ जनाको मृत्यु

पाल्पामा छुट्टा–छुटै घटनामा २ जनाको मृत्यु

बुटवल । रुखबाट लडेर र ढिस्कोले पुरिएर पाल्पामा २ जनाको मृत्यु भएको छ ।रिव्दीकोट गाउँपालिका ...

कार्तिक १, २०७६
 मृगौला पीडित दर्जीलाई नेपालगन्ज ग्यालरीको ५० हजार  सहयोग

मृगौला पीडित दर्जीलाई नेपालगन्ज ग्यालरीको ५० हजार सहयोग

साराखबर संवाददाता                            ...

कार्तिक १, २०७६
पोखरीमा डुबेर बालिकाको मृत्यु

पोखरीमा डुबेर बालिकाको मृत्यु

महोत्तरी । शुक्रबार महोत्तरी गाउँपालिका-६ हरिगौरीगामा पोखरीमा डुबेर एक बालिकाको मृत्यु भएको छ ।१२ वर्षीया ...

कार्तिक १, २०७६
कोहलपुरमा बालिका दिवस मनाईयो

कोहलपुरमा बालिका दिवस मनाईयो

साराखबर संवाददाता                            ...

कार्तिक १, २०७६
प्रहरीका असई चौधरी घुस रकम सहित पक्राउ

प्रहरीका असई चौधरी घुस रकम सहित पक्राउ

महोतरी । महोत्तरीको प्रहरी चौकी कठुधारका प्रहरी ईचार्ज प्रहरी सहायक निरीक्षक (असई) घूस रकमसहित अख्तियारको ...

कार्तिक १, २०७६