कार्तिक २, २०७६

sara Khabar
सत्य, तथ्य र निष्पक्ष खबर । पल-पलमा साराखबर ।
काभ्रेलाई आर्थिक समृद्धिसहितको लाल किल्ला बनाउने मेरो सपना हो : रत्‍न ढकाल



काभ्रेलाई आर्थिक समृद्धिसहितको लाल किल्ला बनाउने मेरो सपना हो : रत्‍न ढकाल

तपाईको राजनीतिक सक्रियताको भूगोल फरक भएर पनि होला, हामी रत्‍न ढकालाई चिन्दैनौँ भन्ने धेरै निस्कियो नि ?

तपाईले सही प्रश्न सोध्नुभयो । मेरो उम्मेदवारीपछि मसँग व्यक्तिगत रुपमा परिचित छैन भन्ने धेरै हुनुहुन्छ । तर काभ्रेका आम मतदाता र वाम गठबन्धनका साथीहरु रत्‍न ढकालसंग परिचित हुनु वा नहुनु गौण विषय हो ।

निर्वाचनको बेलामा को कससँग परिचित छन् भन्दा पनि चुनाव कसरी जित्ने भन्नेतिर ध्यान दिनुपर्छ । वैचारिक रुपमा कम्युनिष्टको पक्षधरता भएका एमाले माओवादीका साथीहरुले आफ्नो पार्टी र चुनाव चिन्हलाई चिन्नु पर्‍यो । वाम गठबन्धनले उठाएको एजेण्डालाई चिन्नुपर्‍यो । त्यसपछि व्यक्तिगत सम्बन्ध विस्तार हुँदै जान्छ भन्ने मलाई लाग्छ ।

मेरो राजनीतिक भूगोल हिजो फरक थियो । अब मेरो राजनीतिक भूमि काभ्रे नै हुन्छ । त्यहाँका साथीहरुको सुखदुखमा म सँगै हुनेछु ।

अन्य उम्मेदवार र तपाईको उम्मेदवारीमा के फरक छ ?

हामी अहिले जुन निर्वाचनमा प्रतिष्पर्धा गर्दैछौ, पहिलो त यो निर्वाचन नै यसअघिको निर्वाचनभन्दा धेरैभन्दा धेरै फरक छ ।

अहिले हामी १० वर्षको महान जनयुद्ध र ०६२÷०६३ को जनआन्दोलनबाट प्राप्त उलब्धिहरुलाई संस्थागत गर्नका लागि संघीय लोकतान्त्रिक गणतन्त्र नेपालको संघात्मक शासन प्रणालीको निर्वाचनमा छौँ । पहिलो त यो निर्वाचन प्रणाली नै फरक छ ।

अन्य राजनीतिक दलका उम्मेदवारहरुको आजको परिवर्तनका निम्ति एक थोपा पसिना पनि बगेको छैन भन्दा फरक पर्दैन । मैले अर्थात हाम्रो गठबनधनका उम्मेदवारहरुले यो परिवर्तनका निम्ति आफ्नो ज्यानको बलिदान दिन तयार भएको कुरा सबैलाई थाहै छ । म आफू यो परिवर्तनका निम्ति ज्यानको माया मारेर जनयुद्धमा होमिएको व्यक्ति हुँ, यो परिवर्तनको संस्थागत विकास गर्नुपर्छ भन्ने हेक्का मलाई जति अन्य पार्टीको उम्मेदवारलाई छैन ।

प्रतिस्पर्धा कतिको सहज देख्नुभएको छ ?

हामी लोकतान्त्रिक गणतन्त्र नेपालमा छौँ । र हामीले निर्वाचनमार्फत हुने प्रतिष्पर्धालाई स्वीकारेका छौँ ।

कम्युनिष्टहरु प्रतिष्पर्धालाई स्वीकार गर्दैनन् र एकल शासन लाद्न चाहन्छन् भन्ने विरोधीहरुको आरोपलाई हामीले व्यावहारिक रुपमै खण्डन गरेका छौँ । प्रतिस्पर्धात्मक ढंगबाट अगाडि बढ्ने कुरालाई सहज रुपमा स्वीकार गरेका छौँ ।

निर्वाचनमा कयौँ पटक प्रतिष्पर्धा गर्दै पोख्त भएका नेपाली कांग्रेससँग अहिले हामी प्रतिष्पर्धामा छौँ । कांग्रेसहरुले जाल, झेल षडयन्त्र र जनताको मतहरुलाई अपमान गर्न सकिन्छ भन्ने सिकेका छन् । यो चुनावी मैदानमा कांग्रेसबाट हुने त्यस्ता खालका गतिविधिलाई कसरी परास्त गर्ने भन्ने नै आजको बहसको विषय बनेको छ । तर प्रतिष्पर्धा गणितिय हिसाबले म सहज नै देख्छु ।

चुनाव जित्ने आत्मविश्वास कति छ ?

चुनाव हामीले जितिसक्यौ । अब औपचारिक रुपमा घोषणा हुन मात्र बाँकी छ । उम्मेदवारको मनोनयनका दिनमा वाम गठबन्धनप्रति जनताले देखाएको उत्साह र जनसहभागिताले पनि हामीले चुनाव जितिसकेको पुष्टि हुन्छ ।

त्यसैगरी पछिल्लो स्थानीय तह र ०७० सालको मतपरिणाम हेर्दा पनि हामीमाथि कांग्रेसलाई भन्दा हजारौँ मतदाताको समर्थन बढी छ । त्यस्तै मतदाताको हरेक समस्या समाधानका निति हामीले देखाएको तदारुकताका कारण पनि मतदाता हामीलाई मतदान गर्न हतारमा छन् । र हामी जित औपचारिक घोषणा हुन मात्र बाँकी छ ।

 

२०६४ सालको मतपरिणामलाई हेरेर निर्वाचनमा जाँदा ०७० सालमा माओवादीले ठूलो क्षति व्यहोर्नुपरेको इतिहास छ नि ?

०७० र अहिलेको निर्वाचन विशुद्ध फरक ढंगबाट हुँदैछ । २०७० सालमा माओवादी पार्टी बिभाजित थियो । त्यतिबेलाका विभाजित माओवादी अहिले मिलेर माओवादी केन्द्र बनेको छ ।

त्यसैगरी अहिले दुई ठुला दल एमाले र माओवादीबीच चुनावी तालमेल भएको छ । वामगठबन्धनको रुपमा निर्वाचनमा होमिरहेको अवस्थामा हामी विपक्षी शक्तिभन्दा मतको हिसाबले वा संगठनात्मक हिसाबले पनि धेरै बलियो छौँ । यसअघिका निर्वाचनमा हाम्रो केही आन्तरिक र बाह्य त्रुटि थियो । अहिले हामी आन्तरिक र बाहय दुवै रूपमा बलियो छौँ ।

एमालेको मत पाउन कति सहज देख्नुभएको छ ?

एमाले र माओवादी लगायतका वामपन्थी दल अहिले चुनावी तालमेल हुँदै पार्टी एकतासम्म जाने सहमति साथ अगाडि बढेको तपाईलाई थाहै छ । अहिले कार्यदल नै बनाएर दुवै दल अगाडि बढिसको अवस्थामा कोही कसैबाट घात हुन सक्ने अवस्था छैन र हुँदैन ।

हामी कुनै सानो र क्षणिक लक्ष्यका साथ एकताबद्ध भएका छैनौँ । हामी एउटै कम्युनिष्ट पार्टी बनाउने र समाजवादको कार्यदिशामा अगाडि बढ्ने उद्देश्यका साथ एकताबद्ध भएका छौँ ।

त्यसैले वैचारिक रुपमा अघि बढिसकेको यो विषयमा प्राविधिक रुपमा कोही कसैले घात गर्छ या मत दिँदैन कि भनेर आशंका गर्न जरुरी छैन । माओवादीबाट एमालेलाई वा एमालेबाट माओवादीलाई अन्तर्घात हुने परिस्थिति छैन ।

 

तपाईको लडाई त समाजसेवी+विकासप्रेमी भनिने दलको उम्मेदवारसँग हुँदैछ भन्ने छ नि ?

निश्चित रुपमा दक्षिणपन्थी पँुजीवादीहरुले धेरैखाले विकृतिहरु प्रयोग गर्दै आएको इतिहास हामीसँग छ । जनताले तिरेको करबाट राज्यको ढुकुटीको प्रशस्त दुरुपयोग गर्दै विकासको नाममा दुई चार रुपियाँ दिँदैमा कोही पनि विकासप्रेमी हुन सक्दैन ।

एनजिओमार्फत डलरको खेती गरेर जनताको आँखामा छारो हालेर विकासको नारा बजाउनु कदापी ठीक छैन । किनकी जोकोही व्यक्तिले ल्याएको विकासका काममा सबै राजनीतिक दलको उत्तिकै उतरदायित्व रहन्छ ।

कुनै पनि राजनीतिक दलका व्यक्ति वा उम्मेदवारले खल्तीबाट हालेर विकास गरेको छैन । राज्यको ढुकुटी रित्याउँदै समाजसेवीको रुपमा गाउँमा पस्नेलाई काभ्रेली जनताले राम्रोसँग चिनिसकेका छन् ।

यसअघिका दिनमा कांग्रेसले समाजमा गरेका कामहरु जनताले छर्लङ्ग देखिसकेका छन् । कांग्रेसले कसरी जनताको आँखामा छारो हालेको छ भन्ने कुरा काभ्रेका आम मतदाताले पनि बुझिसकेका छन् ।

 

चुनावी एजेण्डाहरु चाहिँ केके छन् ?

पहिलो कुरा राष्ट्रिय स्वाधीनताको रक्षा गर्ने र संघीय गणतन्त्र नेपालको संविधानको कार्यान्वयन गर्ने जिम्मेवारी हाम्रो काँधमा छ ।

नयाँ संविधानमा समाविष्ट संघीय गणतन्त्र, संघीयता, धर्मनिरपेक्षता, समावेशी समानुपातिकता लगायतका परिवर्तित एजेण्डाहरुलाई संस्थागत गर्दै सामाजिक न्याय, नयाँ नेपाल र समृद्धि नेपाल कसरी बनाउने भन्नेतिर अघि बढ्नुपर्ने बाध्यता हामीसँग छ ।

त्यसैगरी युवा स्वरोजगार कार्यक्रम जनस्तरसम्म पु¥याउने लक्ष्य पनि मैले लिएको छु । शैक्षिक गुणस्तरको विकास गर्ने, कृषिमा आधुनिकीकरण गदैै अगाडि बढ्नुको विकल्प छैन । अब हामीले उठाउने एजेण्डा र बनाउने योजना यही नै हो ।

त्यस्तै निर्वाचन क्षेत्र र जिल्लागत हिसाबले समग्र काभ्रेलाई उज्यालो र समृद्ध बनाउने मेरो सपना हो । काभ्रेलाई पर्यटकीय जिल्लाको रुपमा अगाडि बढाउँदै पर्यटन विकासको सम्भावनाको सदुपयोग र उपयोग गर्न ठोस योजना लिएर अब जनतामाझ जान्छु । त्यस्तै सुनकोशि, रोशी नदीलाई सही सदुपयोग गरि उज्यालो काभ्रे बनाउने र अर्थतन्त्रको हिसाबमा समृद्धि काभ्रे बनाउने नै मेरो मुख्य सपना हो ।

 

विपक्षी पार्टीले धेरै किसिमको भ्रम फैलाइएको छ, कसरी चिर्नुहुन्छ ?

विपक्षी कांग्रेसले अहिले दुईवटा कुरामा भ्रम सिर्जना गरेको पाइन्छ । पहिलो कुरा कांग्रेसले आम मतदातामा मनोवैज्ञानिक आतंक सिर्जना गर्न खोजेको देखिन्छ ।

हामी १० वर्ष जनयुद्ध लडेर आएकाहरुसँग र त्यस पार्टीमा विश्वास राख्ने मतदातालाई मनोवैज्ञानिक आतंक सिर्जना गर्न खोजेर केही हुनेवाला छैन । किनकी हामी युववार्ग जस्तोसुकै परिस्थितिलाई तोडेर अगाडि बढ्नका लागि सचेत छौँ ।

हरेक राष्ट्रियताको आन्दोलनमा हामी ज्यानको बाजी थापेर अग्रसर भएको सबैलाई थाहा छ । अहिले पनि जस्तोसुकै कठिनाईका बीच हामी अग्रपंक्तिमा रहन्छौँ ।

अर्को कांग्रेस धनको आतंक सिर्जना गरेको देखिन्छ । अहिलेका मतदाताहरु विवेकी छन्, उनीहरु विवेक प्रयोग गर्छन् । कांग्रेसको एक छाक मासु र चिया भातमा काभ्रेली मतदाता बिक्नेवालामा छैनन् । कांग्रेसले फैलाउन खोजेको यी दुईवटै आतंक र भ्रमलाई चिर्न हामी सचेत र तयार छौँ ।



अन्तरबार्ता
विमानको ढोकाबाट एक कर्मचारी खसेर घाइते

विमानको ढोकाबाट एक कर्मचारी खसेर घाइते

भारतको मुम्बई विमानस्थलमा उड्ने तयारीमा रहेको एउटा विमानको ढोकाबाट एक कर्मचारी खसेर घाइते भएकी छिन्।सोमवार ...

आश्विन २९, २०७५
फेक रेस्क्युले गर्दा अन्तराष्ट्रिय पर्यटन बजारमा नेपालकै बदनाम - पर्यटन तथा घर जग्गा ब्यबसायी छेटुप तामाङ

फेक रेस्क्युले गर्दा अन्तराष्ट्रिय पर्यटन बजारमा नेपालकै बदनाम - पर्यटन तथा घर जग्गा ब्यबसायी छेटुप तामाङ

काभ्रे तिमाल स्थायी निवासी छेटुप तामाङ्ले स्थानीय पन्च कन्या मा. बि. मा एसएलसी सकाएर क्याम्पस ...

आश्विन ५, २०७५
बिपी - माओको महत्वपूर्ण  वार्ता (इतिहास )

बिपी - माओको महत्वपूर्ण वार्ता (इतिहास )

चिनियाँ नेता माओत्सेतुङले ५८ वर्षअघि, १८ मार्च १९६० मा चीन भ्रमणमा रहेका नेपालका तत्कालीन प्रधानमन्त्री ...

जेठ १९, २०७५
काभ्रे क्षेत्र न. १ प्रदेश न. १ का सभासद रत्न ढकाल  सारा खबरसंगको कुराकानी ।

काभ्रे क्षेत्र न. १ प्रदेश न. १ का सभासद रत्न ढकाल सारा खबरसंगको कुराकानी ।

सभासद रत्न ढकालले अबको ४ वर्ष भित्रमा महाभारत गाउँपालिका , रोशी गाउँपालिका , नमोबुद्द ...

बैशाख ७, २०७५
आर्थिक विकास नै बामपन्थी सरकारको मूल मुद्धा –डा. दिनेशचन्द्र देवकोटा

आर्थिक विकास नै बामपन्थी सरकारको मूल मुद्धा –डा. दिनेशचन्द्र देवकोटा

अबको केही साता पछि वामगठवन्धनको सरकार निर्माण हुने पक्का पक्की भईसकेको छ । यति बेला ...

माघ २४, २०७४
बत्तीस जिल्लाको निर्वाचनको समीक्षा गर्दै उत्साहका साथ वाम गठबन्धन दुईतिहाई  काभ्रेको जनमत वामपन्थीको पक्षमा उर्लिदै

बत्तीस जिल्लाको निर्वाचनको समीक्षा गर्दै उत्साहका साथ वाम गठबन्धन दुईतिहाई काभ्रेको जनमत वामपन्थीको पक्षमा उर्लिदै

बनेपा ।  प्रतिनिधिसभा र प्रदेशसभाको पहिलोचरणको निर्वाचनमा हिमाली तथा उच्च पहाडी ३२ जिल्लामा छिटफूट घटना ...

मंसिर १४, २०७४