कार्तिक २, २०७६

sara Khabar
सत्य, तथ्य र निष्पक्ष खबर । पल-पलमा साराखबर ।
मान्छेको मनमा एमाले ठिक हो भन्ने त परेको छ



मान्छेको मनमा एमाले ठिक हो भन्ने त परेको छ

महेश बस्नेत नेकपा एमालेका चर्चित युवा नेता हुन् । कानुनमा स्नातक बस्नेत २०४९ सालमा नेकपा एमालेको साधारण सदस्य भएका थिए । उनी २०५५ सालमा युवा संघ नेपालको जिल्ला अध्यक्ष र एमाले जिल्ला सदस्य भए । २०५६ सालमा युवा संघ नेपालको केन्द्रीय सदस्य, २०६३ मा कोषाध्यक्ष हुँदै उनी ०६५ सालमा युथ फोर्सको प्रमुख भए । बस्नेतले २०६६ सालदेखि दुई कार्यकाल युवासंघको नेतृत्व लिए । २०४९ सालमा गुण्डु गाविस वडा नम्वर– ४ को वडा अध्यक्ष भएका बस्नेत ०५४ सालमा २३ वर्षकै उमेरमा गाविस अध्यक्ष भएर काम गरे । एमालेभित्र क्रियाशील युवा नेताको रुपमा गनिएका बस्नेत दोस्रो संविधानसभा चुनावमा पराजित भए पनि उद्योगमन्त्रीका रुपमा काम गर्ने अवसर पाए । उनी विवादमुक्त भएर मन्त्रालयबाट निस्किए । आगामी प्रतिनिधिसभामा भक्तपुर– २ बाट पूर्वसभामुख दमनाथ ढुंगानासँग चुनावी प्रतिस्पर्धामा उत्रिएका बस्नेतसँगको कुराकानी

प्रतिनिधिसभामा उम्मेदवार भइरहँदा तपाईंका चुनावी एजेण्डा के–के छन् ?

आगामी योजना विगतमा योजनामा पारिएका यी बजेटहरु तीब्रता दिनु हाम्रो मुख्य काम हो । त्यो बाहेक अब हामीले बाँकी रहेको क्षेत्र जस्तै– सेटलाइट सिटी, ननसेटलाईट सिटीमा व्यवस्थित आवास बनाउनु छ र घना बस्ती भएका ठाउँहरुमा पनि हामीले व्यवस्थित आवसको व्यवस्था गर्नुछ र विशेषगरी जनताको सडक ढल, खानेपानीको समस्या छ त्यसलाई सम्बोधन गर्नुपर्छ । शिक्षा, स्वास्थ्य र रोजगारी आवास खाद्य समस्यालाई हामीले मौलिक हकको रुपमा र संविधानमा लेख्यांै त्यो कार्यान्वयन गर्नका लागि चाहीँ एउटा कानुनको बाधा हामीलाई छ । अर्को चाहीँ हाम्रो स्रोत, साधन र शक्तिको सदुपयोग गर्न नसक्दा हामीलाई त्यो पनि एउटा बाधा हुनसक्छ । यी दुईटा कुरालाई ब्यालेन्स गर्न युवाहरुका रोजगारीका समस्या सम्बोधन गर्न कुरा हाम्रो अर्को समस्या छ । भक्तपुर जिल्लालाई एउटा धार्मिक पर्यटकीय हिसाबले अगाडी बढाउन सकिन्छ । नगरकोटदेखि घ्याम्पे डाँडा, पाइलटडाँडा, रानीकोटदेखि लिएर हामीकाहाँ डोलेश्वर, चाँगुनारायणदेखि विभिन्न मठमन्दिरहरु एउटा हिन्दु धर्मालम्बीहरु तिर्थस्थलहरु छन् । साँस्कृतिक र पर्यटकीय हिसाबले पनि अगाडी बढाउन सकिन्छ । नगरका प्रत्येक वडाहरुमा एउटा गरिबले उपचार गर्न सकिने स्वास्थ्य केन्द्र, एउटा गरिबले पढ्न सक्ने सामुदायिक विद्यालय नमूनाको रुपमा सञ्चालन गर्न र एउटा प्राविधिक विद्यालय पनि सिपमुलक तालिम अथवा सिपमुलक पढाई पढाउने शिक्षा दिने योजना अघि सारेका छौं । आईटीलाई व्यापक उपयोग गरेर डिजिटल उपयोग गरेर भक्तपुरलाई लैजाने योजना छ ।

तपाईंले परिकल्पना गरेको भक्तपुरको स्याटेलाइट सिटी कस्तो हुन्छ ?

यसमा चाही एउटा ग्लोबल टेन्डर भइसकेको छ । स्वदेशी तथा विदेशी कम्पनीहरुले यसमा आवेदन दिइसकेको स्थिथि छ । नेपाल सरकारले यहाँ जग्गा कित्ताकाट गर्न रोकिसकेको छ । तीन वर्षमा डीपीआर तयार भइसक्छ । जनताको सहभागितामा आधारित भएर डीपीआर तयार हुन्छ । जग्गालाई ‘ल्याण्ड पुलिङ’को मोडलमा लैजाने त्यो मध्य आवास क्षेत्र कति, खुल्ला क्षेत्र कति, कृषि क्षेत्र कति, औद्योगिक क्षेत्र कति, विद्यालय क्षेत्र कति अस्पताल लगायतका यी तमाम आजका पूर्वाधारहरु सबै भएको र पूर्वाधार आधुनिक पूर्वाधारहरुको सहरका रुपमा यसलाई विकास गर्न खोजेका छौं । सडकका छेउमा परेका जग्गाहरुलाई १०÷१२ प्रतिशत कट्टा होला सडक नभएको ठाउँमा ३०÷३५ प्रतिशत कट्टा होला त्यसका कारण यहीँका जग्गाहरु कट्टा गरेर त्यसबाट बनेका प्लटको जग्गा बेचेर त्यही जग्गाको पैसाले लगानी गरेर चाही यसको भौतिक विकास पूर्वाधार विकास गर्ने हो ।

तपाईंले आफ्नो प्रतिस्पर्धीको रुपमा पुराना नेता दमननाथ ढुंगानालाई पाउनुभएको छ । प्रतिस्पर्धा कस्तो हुन्छ भन्ने लागेको छ ?

उहाँको उम्मेदवारीले मलाई धेरै सहज बनाएको छ । उहाँलाई ‘हेभिवेट’ भनेर कांग्रेसले पठाएको हो भने गलत हुन सक्छ । काठमाडौं सहर केन्द्रित क्षेत्र भए अलग कुरा हुन्थ्यो, भक्तपुरमा यो लागू हुन सक्दैन । ०५६ सालमा युवराज कार्कीलाई ल्याएर उठाउँदा एमालेको संगठन १८ वर्षसम्म कमजोर भयो । ‘टुरिस्ट’ उम्मेदवारको नारा चुनावमा सबैभन्दा घातक हुन्छ । ०५४ सालको स्थानीय निकाय हामीले जितेका थियौं । त्यो बेलाको प्रभाव अहिलेसम्म छ भन्ने लागको छ १८ वर्षपछि फेरि जित्ने ठाउँमा पुगेका छौं । मलाई लाग्छ । दमननाथ ढुंगानाज्यू पनि आउन नहुने थियो । मैले जसरी भक्तपुरको बारेमा विकासका कुराहरु निर्धक्क राख्न सक्छु, उहाँमा त्यो ज्ञान नै छैन । भक्तपुरमा कतिवटा वडाहरु छन्, कुन ठाउँमा के हो, कहाँ कुन जातको बसोबास छ भन्ने पनि ज्ञान छैन ।

२०७० सालको संसदीय चुनावी परीक्षामा असफल हुनुभएको थियो, अबको चुनावमा असफलतालाई सुधार गर्न के गर्नुभयो ?

म ०५४ सालमा कम उमेरमा गाविस अध्यक्ष भएँ । र अब त्यतिखेर गुण्डु गाविसलाई एउटा नमुनाको रुपमा लगियो । हामीले जिविसबाट पनि दुई पटक पुरस्कार पायौं । महिलाहरुको सन्दर्भमा हामीले अन्तर्राष्ट्रिय अब्राहम लिंकन पुरस्कार पनि पायौं सामुदायिक वनको क्षेत्रमा । बाटोघाटो, खानेपानीलगायतका क्षेत्रमा उल्लेखनीय काम भयो । फरक परिस्थितिमा युवा संघको जिम्मेवारी निर्वाह गर्नुपर्ने भयो पार्टीले दिएको दिशानिर्देशअनुसार नै त्यो जिम्मेवारी पूरा गरेँ । द्वन्द्वका समयमा कहिलेकाँही राम्रो गर्दागर्दै पनि लाञ्छित गरिन्छन्, भएको त्यतिमात्रै हो । सुशील कोइराला सरकारमा उद्योगमन्त्री हुने सौभाग्य पाएँ ।

सलाई पनि कुशलतापूर्वक निर्वाह गरेँ । कान्तिपुरलगायतका ठूला मिडियाबाट नै निश्कलंक मन्त्री पद छाडेको भन्नेजस्ता सकारात्मक टिप्पणीहरु भए । ०७० सालमा पराजित भए पनि भूकम्पका बेलामा होस् वा जनताका अरु कुनै पनि काममा मैले निरन्तर काम गरेँ । हारेपछि झन् जिम्मेवारीवोध भएको महसुस भयो । प्राविधिकरुपमा म सांसद भइनँ तर जनताले जिताएको सांसदलाई भन्दा बढी भारी बोकाउनुभयो, मैले कुनै दिन पनि झर्कोफर्को नमानी काम गरेँ । तर अहिले ०७० सालको अवस्था छैन । संगठन सुधार भएको छ । स्थानीय तहमा राम्रो नतिजा ल्याएका छौं । जीतका लागि यी सबै कुराहरु प्रयाप्त छन् ।

तपाईंको क्षेत्रमा धमाधम पार्टी प्रवेश भइरहेको छ, तपाईंको कारणले हो कि एमालेप्रतिको आकर्षणले हो ?

दुवै कुरा छ । केपी ओली राष्ट्रियताका लागि लिनु भएको अडान, विकासका लागि गरेको प्रतिबद्धता हो । राष्ट्रिय राजनीतिको प्रभाव हुने नै भयो । मान्छेको मनमा एमाले ठिक हो भन्ने त परेको छ तर त्यसलाई भोटमा परिर्वतन त गर्न सकिदैन । भक्तपुरमा हामीले विगतमा खेलेको भूमिकाले पार्टीमा अझै आकर्षण थप्यो । एउटा कुरा तपाईले उठाएको कुरा के हो भने आज चाहिँ एमालेको महेशलाई भोट हाल्ने मतदाता भन्दा महेशको एमालेलाई भोट हाल्ने मतदाता अलि बढी भएको देखिन्छ ।

देशभर बामपन्थी गठबन्धन हुँदा भक्तपुरमा नेमकिपासँग किन सम्भव भएन ?

नेमकिपाले हामीसँग कहिले पनि इन्ट्रेस्ट देखाएन । हामीले पटक पटक गर्न खोज्यौ । पटक पटक प्रस्ताव गर्यौं । उसले ‘इन्ट्रेस्ट’ देखाएन । एमालेले नेमकिपालाई छोडेको होइन । बामगठबन्धनले चाहिँ नारायणमान विजुक्छेलाई छाडेको हो । उहाँ आफू उम्मेदवार नभएपछि गठबन्धनको कुरा भएन ।
०५४ सालदेखि यताको निर्वाचन तपाईं प्रत्यक्षमा संलग्न हुनुहुन्छ । दलका चुनावी एजेन्डा २० वर्षअघिकै छन् कि परिवर्तन भएका छन् ।

परिवर्तन त भएकै छन् । तर धेरैजसो मुलभुत रुपमा दोहोरिएका छन् । विकास र समृद्धिसँग जोडिएका मुद्दा उस्तै छन्, किनभने १० वर्षे द्वन्द्वले विकास ठप्पै बनायो । समृद्धिसँग जोडिएर नयाँ नयाँ विषयहरु पनि आएका छन् ।

तपाईंले जितेपछि भक्तपुरको विकासका लागि कस्तो परिकल्पना गर्नुभएको छ ?

एक वाक्यमा भन्दा– भारत गएको पर्यटक एकपटक गुडगावँ जान्छ । नेपालमा आएको पर्यटक एकपटक भक्तपुर ल्याउने ध्येय मेरो छ । धार्मिक साँस्कृतिक सहरको रुपमा चिनाउनेगरी विकास गर्ने मेरो लक्ष्य रहेको छ ।

त्यसका लागि केही कामहरु गर्नुपर्ने छ । पूर्वपश्चिम लिंक छ, उत्तर दक्षिणतिर छैन । काठमाडौं–ललितपुर जोड्ने राजमार्ग बनाउनुपर्नेछ । स्याटेलाइट सिटीलाई तत्कालै अगाडि बढाउनुपर्ने छ । हामीसँग दुइटा खोला छन् । एउटा मनहरा खोला भक्तपुर र काठमाडौंको सिमानामा बग्छ । अर्को हनुमन्ते खोला । दुवै खोला हामी सफा गर्छांैं । खोलाको दुवैतिर ग्रीन करिडोर बनाउने, सडक व्यवस्थित गर्ने काम गर्नुपर्नेछ । यहाँको उज्यालो भक्तपुर र सुरक्षित भक्तपुरको एउटा नारा पनि हामी दिन्छौं । साक्षरता जिल्ला घोषणा गरेको भक्तपुर जिल्लालाई शिक्षित जिल्ला घोषणा गर्ने योजना रहेको छ । शिक्षित, प्राविधिक र दक्ष जनशक्ति उत्पादन गर्ने योजना छ । कोसी, करेसाबारी खेती, सेफ्टी ट्यांकीबाट ग्यास उत्पादन, आकाशवाट खसेको पानीलाई संकलन गरेर ट्यांकी बनाउनेलगायतका योजनाहरु छन् । यहाँका वनहरुलाई व्यवस्थित वन प्राणी उत्थान केन्द्र भएपछि त राष्ट्रिय अन्तर्राष्ट्रिय पर्यटकीय आकर्षण केन्द्र पनि बनाउछांै । ठमेलदेखि एयरपोर्टसम्म पर्यटक बस ल्याएर हामीले ढोलेश्वर, अनन्तलिंगेश्वयर, कैलाशपति महादेव यी सबै ठाउँहरुमा पुरै धुमाउँछौं । बनभोज स्थलहरु बनाउने, नगरकोटमाबाहेक भक्तपुरका अन्य ठाउँमा पर्यटकको बसोबास मिलाउने, घ्याम्पेडाँडालाई पर्यटकीय क्षेत्रकोरुपमा विकास गर्नेलगायतका थुप्रै योजना छन् । मेरा योजनाहरु छुट्टै पुस्तिका बनाएर मतदातासमक्ष पुयाउँछौं ।

एमालेले अहिलेसम्म नजितेको भक्तपुर– २ मा अघिल्ला जनप्रतिनिधिको कामको मूल्यांकन कसरी गर्नुहुन्छ ?

२०४६ सालको परिवर्तनपछि पाँचवटा निर्वाचन भए । तीमध्ये तीनपटक कांग्रेसले र दुई पटक नेमकिपाले जित्यो । नेमकिपाको त सैद्धान्तिक मान्यता नै गलत छ । त्यसलाई भोट हाल्नु नै हाम्रो कमजोरी हो भन्ठान्छन् जनताहरुले । संसदीय व्यवस्थालाई भण्डाफोरमात्रै गर्ने भन्ने उहाँहरुको दृष्टिकोण छ । शासकीय जिम्मेवारी नलिने भनेपछि विकासको नेतृत्वबाट सिधै पछाडि परिहाल्नुभयो । सांसद भनेका विधि निर्माता हो, विकास निर्माता होइन भन्नुहुन्छ । विकास नै नगर्ने भए सांसद भएर के अर्थ भयो । कानुन बनाउन बहुमत चाहिन्छ । ६०१ जनामा समानुपातिकसमेत जोडर चार सिट भयो । उहाँहरुले कानुन बनाउन त के सुझावसम्म पनि कार्यान्वयन नहुने भयो । सुगा रटाईजस्तो लेखेर बोल्ने सांसदको प्रभाव नै के हुन्छ र रु यहाँबाट जितेका जगन्नाथ आचार्य भूमिसुधार मन्त्री हुनुभयो, जनताको विकास होइन, श्रीमती विमली उपाध्यायको नाममा बालकोटमै खोला छेउको ७८ रोपनी जग्गा पास गर्नुभयो । ०७० मा जित्नुभएका रामेश्वरजीको त पहल र पहुँच पनि भएन । नेमकिपा धर्तीमा छ भन्ने कुरा कहिलेकाँही विरोध गरेर मान्छेले थाहा पाए, कांग्रेसको केही थाहा भएन । तसर्थ, यहाँबाट विगतमा निर्वाचित जनप्रतिनिधिसँग जनताको गुनासो व्यापक छ ।



अन्तरबार्ता
विमानको ढोकाबाट एक कर्मचारी खसेर घाइते

विमानको ढोकाबाट एक कर्मचारी खसेर घाइते

भारतको मुम्बई विमानस्थलमा उड्ने तयारीमा रहेको एउटा विमानको ढोकाबाट एक कर्मचारी खसेर घाइते भएकी छिन्।सोमवार ...

आश्विन २९, २०७५
फेक रेस्क्युले गर्दा अन्तराष्ट्रिय पर्यटन बजारमा नेपालकै बदनाम - पर्यटन तथा घर जग्गा ब्यबसायी छेटुप तामाङ

फेक रेस्क्युले गर्दा अन्तराष्ट्रिय पर्यटन बजारमा नेपालकै बदनाम - पर्यटन तथा घर जग्गा ब्यबसायी छेटुप तामाङ

काभ्रे तिमाल स्थायी निवासी छेटुप तामाङ्ले स्थानीय पन्च कन्या मा. बि. मा एसएलसी सकाएर क्याम्पस ...

आश्विन ५, २०७५
बिपी - माओको महत्वपूर्ण  वार्ता (इतिहास )

बिपी - माओको महत्वपूर्ण वार्ता (इतिहास )

चिनियाँ नेता माओत्सेतुङले ५८ वर्षअघि, १८ मार्च १९६० मा चीन भ्रमणमा रहेका नेपालका तत्कालीन प्रधानमन्त्री ...

जेठ १९, २०७५
काभ्रे क्षेत्र न. १ प्रदेश न. १ का सभासद रत्न ढकाल  सारा खबरसंगको कुराकानी ।

काभ्रे क्षेत्र न. १ प्रदेश न. १ का सभासद रत्न ढकाल सारा खबरसंगको कुराकानी ।

सभासद रत्न ढकालले अबको ४ वर्ष भित्रमा महाभारत गाउँपालिका , रोशी गाउँपालिका , नमोबुद्द ...

बैशाख ७, २०७५
आर्थिक विकास नै बामपन्थी सरकारको मूल मुद्धा –डा. दिनेशचन्द्र देवकोटा

आर्थिक विकास नै बामपन्थी सरकारको मूल मुद्धा –डा. दिनेशचन्द्र देवकोटा

अबको केही साता पछि वामगठवन्धनको सरकार निर्माण हुने पक्का पक्की भईसकेको छ । यति बेला ...

माघ २४, २०७४
बत्तीस जिल्लाको निर्वाचनको समीक्षा गर्दै उत्साहका साथ वाम गठबन्धन दुईतिहाई  काभ्रेको जनमत वामपन्थीको पक्षमा उर्लिदै

बत्तीस जिल्लाको निर्वाचनको समीक्षा गर्दै उत्साहका साथ वाम गठबन्धन दुईतिहाई काभ्रेको जनमत वामपन्थीको पक्षमा उर्लिदै

बनेपा ।  प्रतिनिधिसभा र प्रदेशसभाको पहिलोचरणको निर्वाचनमा हिमाली तथा उच्च पहाडी ३२ जिल्लामा छिटफूट घटना ...

मंसिर १४, २०७४