काठमाडौं । १५ औं विश्व उसु प्यासिफिक च्याम्पियनसिपमा सहभागी हुन ११ जना खेलाडीसहितको नेपाली उसु टोली चीन प्रस्थान गरेको छ ।
च्याम्पियनसिप चीनको संघाइमा अक्टोबर १९ देखि २५ सम्म हुँदैछ । टोलीलाई आजै नेपाल उसु महासंघका अध्यक्ष विर बहादुर तामाङ्ले बिदाइ गरेका थिए । ११ जना खेलाडीहरुले विभिन्न स्पर्धामा चुनौती प्रस्तुत गर्नेछन् । थाउलुतर्फ सुस्मिता तामाङ्, निमा घर्तीमगर, विजय सिन्जाली, दिपक हमाल, मिना ग्लान, विश्व बुढामगर, कविता थापा र शिवजी सिलवालले सहभागिता जनाउने छन् भने सान्सोतर्फ विन्दु पुनमगर, जुली राइ र किरण सिंह सावदले सहभागिता जनाउने उसु महासंघलाई उदृत गर्दै राष्ट्रिय खेलकुद परिषदले जनाएको छ ।
